كيف تختار شريك حياتك(عامية مصرية)

وانت بتختار شريك حياتك وتنوى تتجوز
اتجوزوا ناس بتبتسم على الصبح … ناس بتحب القهوة و الموسيقى و السينما و الكتب .. ناس عندهم شخصية و بيسمعوا وبيناقشوا وبيتكلموا .. اتجوزوا ناس بسيطه و واضحه …

اتجوزوا ناس معندهاش اسرار .. معندهاش بخل فى الفلوس و المشاعر … اتجوزوا ناس بتشتغل .. ناس تعبت فى حياتها قبل ما تقابلك .. ناس ناويه تحتفظ بيك ..

اتجوزوا ناس فاهمه نفسها و عارفه طريقها وعندها هدف .. مش ناس غامضه و مشاعرها غامضه و حياتها كتاب نصه محروق ..

اتجوزوا بشر مش امراض نفسيه ماشيه على رجلين .. مش مهازل فى صوره بشر .. مش كيانات غامضه و أجساد مسكونه ارواح شريره و اسرى حرب و عبيد مهزومه ..

اتجوزا ناس وجودها مبهر و كلامها مبهر و اساليبها فى الخداع مبهره .. ناس بتعرف تحاصركم بحبها .. تأسركم بجمال روحها .. اتجوزوا ناس بريئه مش مجرمه ..

اتجوزا ناس سعيدة بتعرف تصنع السعادة لكل اللي حواليها … اتجوزا ناس بتصحي الصبح بدري…
وِ ناس بِتحِبّ تِهادي وَرد من غير أسباب.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *