الندم..(عامية مصرية)

في كلمة مبنرجعش بعدها زي ما كنا قبلها،وفي فعل بيكسر حاجة مبتتصلحش بكل الأفعال اللي بعده،في جراح مبتلتئمش مع مرور الزمن،وفي حاجات هنكون بنحبها وهنبعد عنها.نبعد تمامًا من غير أي فرصة رجوع، وفي وعد بنخلفه مش ممكن نتصدق بعده، وفي صدق كان لازم يكون جواناومكنش،ففقدنا بسببه حاجات منفعش فيها الندم، في كلمة كان لازم نديهم فرصة يقولوها وكلمة كان لازم نقولها وحاجات كتير قلنا عنها سنين “أنا لحد دلوقت مش عارف ازاي عملت كدا”، وفضلنا مش عارفين إجابة السؤال ولا لاقيين سبيل للخروج من توهانا قدامه، في حاجات كتير كانت محتاجة تفكير قليل علشان نتفادى به سنين ندم وأمتار ألم وساعات عتاب وعقاب لنفسنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *