أشياء لاتشترى (عامية مصرية)

هي أشياء لا تُشتَرى
دي كانت عبارة ساحرة قالها شاعرنا الراحل “أمل دنقل” في قصيدة سياسية في سياق مختلف لكنها تنفع في تفسير حاجات كتير في حياتنا لما نتكلم عن الفرق بين السعر والقيمة. يعني إيه؟ يعني مثلًا ممكن تكون لا قدر الله مريض، وممكن يكون معاك فلوس كتير تقدر تدخلك أفخم مستشفى وتقدر تستدعي أغلى الأطباء أَجْرًا، لكن مش ممكن تشتري الصحة والشفاء. ممكن يكون معاك فلوس تشتري بيها أغلى الكتب وتعمل مكتبة ضخمة، لكن لا يمكن تشتري الثقافة والحكمة والمعرفة والعلم. ممكن يكون عندك أفخم بيت، لكن مش ممكن تشتري الدفا والأمان النفسي جوه البيت ده. ممكن واحد يروح ملهى ليلي يبقى حواليه العديد من الفاتنات، لكنه لا يمكن يشتري الحب.
لو كان فيه أمنية ممكن أتمناها لحياتي، كنت اخترت بس إني أكون سعيد، مش أكتر من كده، لكن زي ما قلنا في الأول: هي أشياء لا تُشتَرى.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *