عامية مصرية

ازاي اخس؟

مقال عن الرجيم بالعامية المصرية (الادارة)

في طرق كتيره للدايت النهارده معانا طريقتين
بس في نصايح لازم نعملها سواء في الدايت دا أو في التاني وهي :
1: اول لما نصحا نشرب كوبايه مايه دافيه ب ليمون على الريق لأن اول حاجه بناكلها أو بنشربها ف اليوم دي اكتر حاجه الجسم بيستفيد منها وكمان بتساعد على الحرق
2: مفيش اكل بعد الساعه 8 عود بطنك أن خلاص بعد الساعه 8 مفيش اي حاجه الا مايه أو خضار أو فواكه
3 : الصيام المتقطع
4 : الابتعاد تماما عن الوجبات السريعه والمشروبات الغازية و الحلويات
5 : ممارسه الرياضه مثل (الكارديو _ الزومبا_تمارين للحرق)
6: آخر حاجه وأهم حاجه وهي شرب المايه بكثره لينا ف اليوم 3 لتر مايه المايه ليها فوايد كتير جدا جدا ومن أهمها الاحساس بالشبع والتخسيس و تنضيف السموم من الجسم و بشره ناضره وفوايد كتير مبتخلصش
نبدأ بقا ب اول طريقه و هي السعرات الحراريه
احنا علشان نخسر من وزننا كتير لينا ف اليوم 1000 كاليوري/سعره حراريه بس ممكن بقا نقسمهم براحتنا في أكلنا
ازاي اعرف احسب السعرات في اكلي؟
في طريقيتين
1 _ اني انزل ابلكشين يحسب السعرات الحراريه ف الوجبه ومفيش اكتر من الابلكشينات دي زي مثلا my fitness pal أو ابلكشين عداد السعرات الحراريه الخ الخ
2 _ اني ادخل على جوجل واكتب كم عدد السعرات الحراريه في ( اسم الوجبه)
يعني دلوقتي انت ليك 1000 سعره بالظبط تقدر بقا تاكلهم كلهم في وجبه أو نقسمهم على كذا وجبه انت براحتك بس الطريقه دي بصراحه انا مش بفضلها اوي ف نخش على الطريقه التانيه وهو الدايت السريع يعني مينفعش يدوم اكتر من 15 يوم ده دايت سريع لخسارة الوزن بسرعه وكدا كدا بعد ال15 يوم دول هيكون معدتنا صغرت شويه ف مش هناكل زي الاول وياريت كمان بعد ما الدايت ده يخلص نقلل في أكلنا وبردو نبتعد عن الوجبات السريعه
الدايت التاني:
اليوم بيكون عباره عن أول لما نصحا كوبايه مايه دافيه ب ليمون ونفضل ساعه منغير اكل بعد الساعه دي اقدر افطر فواكه أو سلطه أو قطعه جبنه ملح خفيف أهم حاجه ابتعد عن العيش والأرز والمربي والحلاوه وكل النشويات والسكريات و يفضل أن الفطار يكون فاكهه أو خضار مثل ( تفاح أو فراوله أو خيار أو خس أو جزر أو فروت سلاط أو سلطه كامله)
هنفضل شويه مناكلش بنشرب مايه بس يجي وقت الغدا:
ممكن نتغدا تونه بس تكون تونه لايت أو تونه عاديه وننضف منها الزيت تمام ونغسلها كويس و نحط عليها ليمون و بصل
ممكن الغدا بردو يكون سمك مشوي
ممكن يكون فراخ مسلوقه أو مشويه
ولازم السلطه مع أي وجبه
أهم حاجه يكون الغدا في بروتين ونبتعد عن العيش والرز والمكرونه وكل النشويات
بعد ما نخلص اكل و نشرب مايه ونهضم وكله تمام يجي بقا وقت التمارين في 3 طرق لعمل تمارين
1: تنزيل برنامج للتمارين و بردو مفيش اكتر منهم زي مثلا ( home workout أو lose wight)
2: اليوتيوب
نخش ونكتب ( تمارين للتخسيس أو workout أو كارديو أو زومبا) في كذا طريقه يعني
3: instagram
في ناس كتيره جدا بينزلو فيديوهات تمارين للحرق زي مثلا :
Jessicaolie أو Madfit.ig أو Kayla_itsines أو Lama_pt وفي ناس كتير هيفديكم جدا في موضوع التمارين
لو انت لسه مبتدأ ف ممكن اول مره تكتفي ب 20 دقيقه لاكن الأفضل انك تفضل مثلا 40 دقيقه أو ساعه لاكن متزودش تمارين عن 60 دقيقه علشان جسمك ميتعبش وتفضل كذا يوم مش قادر تتحرك دا لو انت مبتدأ ف التمارين لاكن لو انت مش مبتتدأ ف زود ف الوقت لاكن بردو متزودش عن 90 دقيقه أو 100 دقيقه بعد ما نخلص التمارين اكيد خد شاور و بعدها ب نص ساعه مثلا كل اي حاجه بسيطه لو كانت الساعه لسه قبل 8 و مفيش اكل بعد كدا تاني الا فواكهه أو خضروات
بالتوفيق جميعا💗

الكاتب
مريم أحمد محمد عبد الخالق فياض



السابق
كيفية تسجيل الدخول ووضع مقال جديد
التالي
متى سأكون ؟

اترك تعليقاً