عامية مصرية

لما انتي عارفه

لما انتي عارفه

 

 

لما انتي عارفه إن حُبي ..

 

دم شريانِك  .. وريدِك ..

 

ليه تبعديني .. ؟!

 

لما انتي حاسه إن قلبي ..

 

فرح أحلامِك .. وعيدِك ..

 

ليه تخسريني .. ؟!

 

بسأل وقلبي مجروح كأني ..

 

معُدتِش حبيبِك ..

 

بسأل وأملي ..

 

أفضل بأملي ..

 

وارضى بقليلِك .. !!

 

مدبوحه ليه بعناد ما منُه ..

 

إلا خوف ساكن طريقِك .. ؟!

 

خليتي إيه م اللقا وانتي ..

 

وانتي شارده في دروب مسيرك .. ؟!

 

ليه بس ليه ..

 

أبقى وبس مُجرد رساله ..

 

في صندوق بريدك ..

 

ليه بس ليه ..

 

أبقى وبس مُجرد حكايه ..

 

في كتاب حنينِك ..

 

بسأل .. ؟!!!!!

 

****

 

غنائيه عاميه من كلمات

عزت عبد العزيز حجازي



السابق
حوش المقبرة
التالي
روح لوم عينيك

اترك تعليقاً