• السلام عليكم ورحمة الله وبركاته

  وصفات كتيره ومتعدده سمعنا عنها كتير النهارده هقولكم عن وصفه جميله لعمل القلقاس اللذيذ…

• نبذه سريعه عن القلقاس وفوائده..

• 1؛ يحسن من صحة العيون

• 2؛ يكافح السرطانات

• 3؛ تحسين الدوره الدمويه

• 4؛ يكافح مرض السكرى

• 5؛ يساهم فى خساره الوزن الزائد

6؛ يحسن من صحة الجهاز الهضمى

فالقلقاس له فوائد لا تعد وغير ذالك يتميز بطعمه المتميز واللذيذ والطريقه دى مش بس مفيده وكمان طعمها محبب من كل الى جربوها…

طريقه تحضير القلقاس…..

هنحضر قلقاسه كبيره

ونجهز كسبره خضرا وشبت اخضر كلا منهم ربطه واحده

وسلق القلقاس (دى خضرا شبه السبانخ )

5فصوص توم مفروم

قرن شطه خضرا

هنقشر القلقاس ونقطعه قطع مربعات متساويه ونحمره فى معلقه زبده بلدى يدوب نقلبه بس منحمرش جامد واما ياخد لون هنقطر نقطتين ليمون ونضيف التوايل(فلفل اسود وكمون وكسبره ناشفه ومعلقه جنزبيل) ونقلب مرتين كمان ونضيف الشربه تكون بتغلى ونغطى ونسيبو اما يكون نص سوا…

نروح نجهز الخضرة الشبت والكسبرا الخضرا والسلق تكون مغسوله ومتنضفه نقطعها ونفرمها فى الخلاط لما تنزل ميه هنصفيها ناخد منها الميه بتاعتها نضيفها على القلقاس الى حمرناه وبيغلى مع الشربه ونسيبو كدا لما يستوى…

هناخد عصارة الخضرة الى عصرناها فى الخلاط واخدنا ميته العصاره بتاعتها دى بتقا مش هتترمى لا بالعكس احنا هنفرم التوم مع قرن الشطه الخضرا ونحمرو مع معلقه زبده وبعد ما ياخد اللون الدهبى هنضيف عصارة الخضرة ونقلب ونستمر فى التقليب واحنا بنقلب هنلاحظ انهم بيتجانسو والعصاره بتدبل وفى نفس الوقت بتطلع منها ريحة حلوه وجميله اول متدبل معانا هنضيفها على القلقاس ونقلبهم مع بعض وبعدين نقدمو وبالف هنا…

وصفه جميله جدا ومفيده جدا جدا اتمنى تجربوها وتدوقو الطعم اللذيذ وتقولولى رايكم فيها ايه ..

اسمى مها انا ام لولد وبنت وبحب الطبخ والمطبخ وبعمل كذا صنف وبمواصفات وطرق مختلفه كتير واحب اعمل كل الوصفات الى بيحبها اطفالى …

اتمنى ان اكون فدتكم بمواصفاتى واتمنى تكون بتعجبكم

شكرا لحسن متابعتكم لمقالاتى واى استفسار انا فى الخدمه….