والسما زرقا
قَـدَّيش حَلَّفتَـكْ مَعِـي تبقــى بدموع هالريشة على الورقة
الحبقة الزرعناها سوا بالدار عا غَيبتَـك عَـم تـدبـَلْ الحَبْقَـة
لما مسكت إيدي قلت شو جن والقصب جنب البيت صار يحن
وقلبـي من الدقَّــات ما بيكــن الـوَردات بالحُــوَّاشْ مشــتلقَـة
بدك تروح وبالسـلامة روح بقلبي تركت غلة أسى وجروح
عيوني عن الآهات بدّا تبوح ومن حرقتي الكلمات محترقة
العصفور المعشش بسقف البيت قلّي ما طقت البعد وتربيت
معقـــول يا محبـــوب ماحَنَّيت مرقلك علينا بس شي مرقة
عابُعْـدَكْ مفكَّــر أنا بنســـى وبتعَــوَّد الهجــران أو بقسى
وعا أيْ شَطّ بْوَقِّف وبرسى ما بحب غَيرَك والسما زرقا
والسما زرقا
قَــدَّيش حَلَّفتَـا مَعِـي تبقــى بدموع هالريشة على الورقة
الحبقة الزرعناها سوا بالدار عا غَيبتَـا عَـم تـدبـَلْ الحَبْقَـة
لما مسكت إيدا وقالت جن والقصب جنب البيت صار يحن
وقلبـا من الدقَّــات ما بيكــن الـوَردات بالحُــوَّاشْ مشــتلقَـة
بدها تروح وبالسـلامة تروح شو تركت بقلبي أسى وجروح
عيوني عن الآهات بدّا تبوح ومن حرقتي الكلمات محترقة
العصفور المعشش بسقف البيت قلّي ما طقت البعد وتربيت
معقـــول يا محبـــوب ماحَنَّيت مرقلك علينا بس شي مرقة
عابُعْـدِكْ بفكرِك أنا بنســـى وبتعَــوَّد الهجــران أو بقسى
وعا أيْ شَطّ بْوَقِّف وبرسى ما بحب غَيرِك والسما زرقا
للمزيد
