بحبك يا مصر
بحبك يا مصر ياللي مجدك للتاريخ أصالة
وللبستان العربي أجمل وردة
لو أشوفك حزينة في يوم
قلبي عمره ما يرتاح و لا يهدى
عشانك إنتي أضحي بروحي
وأكمل حياتي بعين واحدة
ولو طلبتي عينيه الاتينين
أديهوملك بحب وعشق و مودة
ولو عايزة عمري أديهولك من غير تردد و لا مناهدة
عشان أشوفك رافعة راسك في الماضي
والحاضر وإمبارح والنهاردة
بحبك يا بلدي, يا نينتي ووالدي
يا سندي وعرضي, وتاريخي وسيرتي وبنتي وولدي
يا خيري وشري, وهمى وسري
بحبك يا أمي وحبك بيسري في روحي ودمي
بحبك يا أغلى وأعز الحبايب
فداكي صحابي وكل القرايب
وأنا على أرضك بحس بوجودي
وأنا بعيد عنك بالآقي نفسي غايب
ومهما أسافر وألف وأطوف
ومهما أقابل وأشارك وأصاحب
برجع لأرضك اللي عليها مبعرفش خوف
ولا أعرف أغش وأجامل وأنافق
بحبك يا مهد التاريخ والحضارة
يا نور الصباح ورمز الطهارة
وللعلم و المعرفة أعلى منارة
بحبك يا فرحة تترسم على وش الفلاح
مع كل طلعة شمس منورة في الصباح
يا نجمة القمر لها مداح
يا أرض الحنان والطيبة و السماح
يا نبض عروقي ودقات قلبي
خبيني في حضنك وجوايه استخبي
ما أنت اللي ليه وأنا كلي ليكي
يا ضي عينيه وعشقي وحبي
أقرا أيضاً:
1 تعليق
شعر جيد جدا