Category:

عامية مصرية

عطر أمى

نشر بواسطة tarek saad 20 مارس، 2022

عطر أمى..

عطر امي في البيت

مالي المكان
وفي الشارع
وانا رايح عند الجيران
وفي اخواتي البنات
فرع الحنان
زي ما تكون ما رحلتش باقية امي
ذكرياتها ضد النسيان

صوت أمى

وهي بتردد ورا الادآن
وصلاتها وتسبيحها
ودعائها للرحمن
ونظرة رضا
ماليه عيونها إطمئنان
كانت حبيبتي مؤمنه
وموحدة راضية
بقليلها وشاكرة الرحمن
روح امي عايشة معايا
في كل مكان
في بيتها في مطبخها
وفي صورة فوق الحيطان
في هدومها ونفسها
وفي بنتي الصغيرة كمان
اللي ربي شبهيها بيها
تعويض بسيط عنيها
يارب يابنتي تكبري
بالشكل والطبع كمان
دعاء أمي باقي لي
مهما يفوت الزمان
دعوات بالستر والصحة
وراحة البال والامان
والبركة في اولادي وامهم
واخواتي كمان
ويطول في عمر ابويا
ويبارك في صحته
طول الجاي من ازمان

إقرأ أيضًا

شعر العامية (حبيبتي الملاك)

كيف تتعلم كتابة الشعر؟

التجربة الشعرية

رابط مختصر للصفحة
https://alumniyat.net/4803977

أحصل على موقع ومدونة وردبريس

أكتب رايك في المقال وشاركه واربح النقود

شارك رابط المقال هذا واربح
يجب عليك تسجيل الدخول لرؤية الرابط

20 مارس، 2022 0 comment

الامنيات_1 عامية مصرية

حواء

نشر بواسطة Hala Mostafa 26 سبتمبر، 2021

written by Hala Mostafa

حواء .. مهما اوصف لك و امدح حوا عمر ما يكفي جمالها كلام

فيها طيابه براءه وداعه و تشوفها حوريه في احلام

اصل القلب نضيف من جوه و مابيشيلش مع الايام

مالي عينيها سعاده وفرحه و صبر يعدي سنين قدام

شايفه أنها بنقاب أو طرحه زي البطله في الافلام

وأنها من جواها جميله زي نجمه في السينيمات

اصل اللبس الواسع ستره تشبه فيه احلي الملكات

حوا دي هي الطيبه بعينها

وفي كل الدنيا ما فيش منها

هي الجمال و العفه

والدلال و الفرحه و الخفه

في اديها مفاتيح احوالك

فرحه و نعمه اكيد دايمه لك

قادره تحول حزنك فرحه

و تطبطب في اللحظة الجارحه

قادره تشيل عنك أحزانك

وقت الصعب هتبقى مكانك

قادره تكون الزوجه الصالحه وتحفظ سرك بالكتمان

وفي طبيعتها صريحه و واضحه و كتومه في كل الأحيان

لو يوم كتمت عنك كلمه وقت الحزن عليها تبان

و كمان قادره أن تكون لك امك اختك كل ما ليك

باديها تسعد ايامك تفهم قلبك تقري عنيك

و بعقلها دايما هتحول بيتك قصر بكل ما فيه

و الظرف الصعب هيتبدل و هتقدر بيها تعديه

قادره تحقق حلم بعيد

سو ا يكمل و الايد في الايد

شيلها في عينك حابي عليها

هتكون لك نجمه تفوز بيها

و كل ما كان عندك تقدير

هتحس في عينها.بتغيير

وأنها راضيه العيشه معاك

و انك بتقويها بحبك وان وجودها كمان قواك

علشان كده و نصيحه للناس

اوعاك تمشي ورا الاحساس

ولا تقولي دي بنت جميله ولا تقول يا جواز وخلاص

ممكن اوي احساسك يكذب ولا يكون بقي بيتهيقلك

علشان كده لازم تستني وتفكر لو ثانيه بعقلك

اختار الست اللي تصونك

في غيابك عمرها ما تخونك

عارفه ظروفك راضيه بحالك وتكون نصك شبهك لونك

اختار اللي تربي عيال

تطرح لك ثمرة اجيال

علشان يوم ما ولادك تكبر و يتبدل الحال للحال

و نشوف فرحه بعينك بيهم و سعاده من عم وخال

هتحس انك روحك طايره و انك كنت من الابطال

وان خلاص ر وحك رجعت لك و اتشال عنك حمل جبال

علشان هم اترابو ربايه عرفو فيها حرام و حلال.

أنا حرة واعمل إلى أنا عايزاه شاهد ام وأبو ديوثين يربو ابنتهم على التحرر

نشر بواسطة هدير مصطفى 16 أغسطس، 2021

written by هدير مصطفى

التحرر .. يعنى إيه أنا حرة الجملة دى كتير مننا بيطبقها وهو مش عارف معناها الحقيقي.

التحرر

السلام عليكم أنا وعد عمرى ٢٩ سنة من وأنا صغيرة اتربيت في أسرة متحررة وغنية كانوا سايبنلى زى ما بيقولوا الحبل على السايب ماكانش عندى رقابة صارمة من امى أو ابويا يمكن لأنهم شغالين في السياحة وبيتعاملوا مع سياح كتير فأخذوا منهم بعض الصفات ويمكن نوع من أنواع التمرد على المجتمع اللى اتربو فيه اصلهم كانوا جيران في حارة في منطقة شعبية حبو بعض من وهم صغيرين واتحدوا أهلهم عشان يتجوزو بعض؛ لأن أهل بابا واهل ماما كان فى دايما مشاكل بينهم.

دروس التحرر تتوالى من خلال الأم

الدرس الأول

ولما جه بابا يتقدم لماما جدى ابو ماما رفض وقالو ساعتها (( أجرى يا شاطر روح كمل دراستك وأكبر كده يا نونو وتعالى اتقدم بس لعلمك انت اخر واحد اجوزه ابنتى يا بن فاروق الفران )) بابا ساعتها عرف أن كده كده مرفوض وعشان كده قرروا يهربوا ولما سألت ماما قولتلها ((طب انتى ليه يا ماما ما اصرتيش على بابا بدل الهروب)) قالتلى ((أنا حرة وهعيش حياتى مرة واحدة ولازم أعيشها بمزاجى مش على مزاج اهلى )).

الدرس الثاني

وده أول درس اخدته من امى عن مفهوم الحرية وتانى درس علمهولى ابويا لما كنت مصاحبة في المدرسة الإعدادية بنات محجبات وحسيت انى عايزة تتحجب وقتها ضربنى ألم على وشي وقالى (( انتى اتجننتى مين المتخلفين اللى حطو في دماغك التخلف ده)) قولتله بعياط وأنا مش مستوعبه اخدت الالم ليه وكان الحجاب قلة أدب مش فرض قولتله بتردد (( هو يا بابا الحجاب مش فرض )) قالى بعصبية ((لا الحجاب ده تخلف وضد الحرية وكل المحجبين هم السبب في أن السياحة في مصر واقعة )) وكده يبقى تانى درس اتعلمته أن الحجاب بيكبت الحرية وأنه تخلف وطبعاً اى طفل أو شاب أهله هما اللى بيربوه على شئ فبيكبر عليه.

من شب على شيء شاب عليه

وكبرت وروحت الجامعة كبرت على انى البس الضيق والقصير واللى بيبرز انوثتى وشعرى لازم يبقى معمول كل يوم تسريحة شكل وياريت على كده وبس بقيت بسهر وبخرج مع بنات وشباب وبرجع على الساعة واحدة ولا اتنين بالليل وكانوا اهلى ولا بيعترضو ولا حتى عمرهم خافو عليا وده طبعاً مابيسالوش عشان مايخنوقونيش وحياتى كانت بعنوان انتى حرة انتى هتعيشي حياتك كام مرة

وعدت سنين وحالى فضل زى ما هو وبالرغم من انى كنت حرة زى ما اهلى كانو مفهمينى الا انى عمرى ما كنت سعيدة لحد ما في مرة جالى عريس عن طريق بابا ولقيت بابا بيقولى (( عروستنا الحلوة وعد جايلك عريس انما ايه ابن راجل أعمال كبير اوى وغنى أوى شاب إسمه طارق عمره حوالى ٣٠ سنة شاب كده إيه مال وجمال وحسب ونسب يعنى هتعيشي في مستوى أحسن بكتير من مستوانا )) ..

قولت لبابا بضيق (( عريس إيه بس يا بابا عريس يعنى جواز وراجل يعد يتحكم فيا بقى ويخنقنى ويعد يقولى رائحة فين وجائزة منين وحاجة قرف يعنى لا شكراً مش عايزة)) قالى ((لا يا وعد ده شاب متحرر زينا وعارف انك متحررة وعشان كده عايزك هو عايز بنوتة جميلة وحلوة زيك ومتحررة تبقي واجهه ليه قدام الطبقات الراقية )) .

تناقض داخلي بيني وبين حالي

من جوايا كان نفسي في راجل غيور عليا ويقول أبعد عن الطريق ده لان بصراحة كنت أضعف من أن اخد الخطوة دى لوحدى فساعتها قولتله (( متحرر طيب يبقى نشوف الموضوع ده بعدين )) كنت وقتها راجعة من سهرة من سهراتى وكان الوقت قرب الفجر وبمجرد ما غيرت هدوم واستحميت لقيت الفجر بيدن ساعتها مش عارفة ليه حسيت انى كانى لأول مرة اسمع أدان واسمع المؤذن وهو بيقول الصلاة خيرا من النوم حسيت انى نفسي اصلي اوى بس لقيت نفسي أعدت على السرير اعيط وقولت:

(( يااااه يا وعد كنتى عايزة تلبسي الحجاب وكنتى عايزة تصلي ولا الستة الحجاب ولا بتعرف تصلي أصلا )) واعدت اعيط وأول مرة أحس أني عايزة ادعى ربنا ودعيت وقولت(( يا رب أنا مش عارفة اعلى صح ولا أصحابي اللى كانوا عايزنى اصلي هم اللى صح نفسي في اى رسالة أفهمها منك يا رب عايزة رسالة منك توجهنى ليك وأن شاء الله أفهمها)) ونمت…

وصحيت تانى يوم لقيت بابا وماما كالعادة بيفطرو مع بعض وندهولى عشان أفطر معاهم واحنا بتفكر أتصل طارق بيه فلقيت بابا بيضحك وهو باصص في التليفون وقالى (( بصي يا وعد الموز بيتصل مش قادر بستنى لما أتصل أنا بيه هيتهبل عليكى من ساعة ما شافك )) .

بصيت لبابا بقرف من طريقته وهو بيتكلم كده عليا وكأنه بيتكلم عن واحدة عارفها من كباريه والأغرب أنه لما رد لقيته بيقول لطارق ((عايز تكلمها ومالو يا حبيبي اهى جنبي اهى خد كلمها )) اتصدمت المفروض انى ما اكلموش لحد ما نتخطب على الأقل هو جاى يتجوز واحدة محترمة ولقيت نفسي هقوم لقيت بابا مسكني من دراعى وقال. بصوت واطى: (( راحة فين انتى مش سمعاني وأنا بقوله هتكلمك هدى التليفون كلميه ماينفعش )).

بصيتله بحزن واخدت السماعة وكلمته وكنت زعلانة جدا حسيت نفسي رخيصة كانى فتاة ليل مش بنت من أسرة محترمة وقولت لبابا (( انت مش شايف يا بابا أن انت كده مرخصنى المفروض ما يكلمنيش غير لما على الأقل نتخطب )) ضحك هو وماما وقال (( بنرخصك إيه الجو البلدى دة انتى متحررة ومن أسرة متحررة يعنى عادى وكمان انتى ليكى أصحاب شباب إيه المعنى ده يعنى هم يعنى كلهم جم اتقدمو لك وانا وافقت وعشان كده بتكلميهم )) واعدو يضحكوا!!

ولقيت ماما بتقولى ((يا بنتى عيشي حياتك الحياة بنعيشها مرة واحدة بس)) سكت ولقيت نفسي خرجت البلكونة و ببص للسما وقولت اظاهر أن ربنا رايدلى كده الامر لله)) ودخلت وجه طارق واتقدم وطبعاً اتخطبتله وكل ما يطلب منى أننا نخرج كنت الأول برفض وبعد كده كان بابا بيعد يقنعنى ان عادى لما اخرج معاه وكنت بصراحة مش مرتاحة لحد ما فى مرة واحنا خارجين لقيته حط أيده على وسطى وشدنى ليه وكان عايز يبوسنى فبعدته عنى وقولتله:

(( إيه يا طارق انت شارب ولا إيه ))

قالى ليه كل ده عشان عايز بوسة قولتله انت مش عارف أنه ما ينفعش دلوقتي اعد يضحك وقالى اومال متحررة ازاى ده انا شكلى اخدت مقلب فيكى وزعل ولما قولت لبابا وماما زعقولى وقالتلى أن عادى خطيبك وبيعبرلك عن حبه واعجابه بيكى وقامت خناقة بينا وأنا بقولهم مش هسمح بده وهم بيقولي أن أسمح بأنه يعمل ده وفجاءة لقيتها احنا الثلاثة أغنى علينا وكأننا في مكان ضلمة وأنا خايفة ومرعوبة وانده على بابا ما بيردش وانده على ماما ما بتردش لحد ما فجاءه سمعت صوت صريخهم بيصوتو ولقيت المكان الضلمة نور بالنار اللى كانت بتحرقهم وابتديت اشوف نفسي في مكان وحش اوى النار بتاكل فيه وببص على اللى حواليا لقيت طارق في نفس مكانا وبيولع معانا وأنا خايفة ولقيت صوت جاى من حتة فيها نور بيقولى:

(( الدور عليكى يا وعد ))

قولت أنا فين قالى الصوت بصوت مرعب ((انتى بتتحاسبي بصي على كتابك)) ولقيت كتاب مفتوح قدامى مكتوب فيه وكل حاجة عملتها قولت ساعتها ((أنا ماليش دعوة بابا وماما هما اللى قالولى اعمل كده ))قالى الصوت برعب :

(( كل واحد مسؤول عن نفسه يا وعد كان بايدك تعرفى الصح وانتى استسهلتى جه وقت العقاب ))

لقيت النار جاية عليا جرى ولقيت نفسي بصوت وعمالة اقول يا رب غمضت عينى ولقيت حد بيقولى وعد اصحى فتحت عينى لقيتنى نايمة على السرير وماما هى اللى بتصحينى بقولها احنا فين قالتلى يلا قومى العريس جاى النهارده قولتلها بخضة طارق قالتلى أيوة يلا بقى قولتلها لا يا ماما قومت من على السرير بعد ما اكتشفت أن كل ده كان حلم وأن أنا ولا اتخطبت لطارق ولا حاجة وان دعوتى ربنا حققهالى وإدانة رسالة قوية قدرت افهمها وروحت على جدى وستر في الحارة واتعبمت الصلاة وبقيت اعيط في كل صلاة أن ربنا يثبتنى وما اضعفش من محاولات بابا وماما أنهم يرجعونى أعيش معاهم من تانى بس انا قررت انى أعيش مع جدتى ام أمى وأكمل في حياة طاهرة ونضيفة

ونصيحتى لكل واحد امى كانت دائما بتقولى الحياة واحدة ومش نعيشها تانى هى صح في النقطة دى بس مش الصح أننا نعيشها في غضب من ربنا مافيش احلى من العيشة في رضا الله.

سر الفرشاة السحرية وازاي ساعدتني في رحلة حياتي

نشر بواسطة هدير مصطفى 11 أغسطس، 2021

written by هدير مصطفى

سر الفرشاة السحرية.. عمركم سمعتوا عن الفرشاة السحرية اللي بتجيب الحظ أنا بقى معايا الفرشة السحرية…

السلام عليكم أنا اسمى هدى عندى 20 سنة من وأنا صغيرة وأنا بحب الرسم جدًا أنا فاكرة أول مرة ماما شافت أول رسمة ليا كنت بحاول ارسم سنو وايت اللى في الكرتون اندهشت جدًا وندهت على بابا وقالت ((يا حاتم تعالى شوف بص هدى رسمت إيه))، بابا لما شاف الصورة قال والاندهاش باين عليه (( دي سنو وايت يا هدى )) بصيتله وأنا مكسوفة وقولت (( آه يا بابا)) سقفلي هو وماما وقالي (( انتى موهوبة بجد يا دودو وإن شاء الله هقدملك في كورس تعليم رسم لبنات القطاقيط اللى زيك )).

أنا عمرى ساعتها كان سبع سنين وفعلاً بابا قدملي في كورس رسم للناشئين وكنت برسم حلو جدًا في البيت بس وأنا برة كنت بتكسف أمسك الفرشة وارسم على اللوحة لدرجة أن المدرسات اللى في الكورس كانوا بيفتكروا بابا أو ماما هم اللى بيرسموا وكلموا ماما كتير في موضوع كسوفي منهم وهنا ماما قررت تكلمني وقالتلي:

(( الميس بتاعتك في الكورس يا دودو بتقولي إنك مش بترضي تمسكي الفرشة وارسم ليه كده يا دودو الميس عايزة تشوف انى شاطرة ولا لا )) قولتلها بزعل ((مش عارفة يا ماما بحس إني مكسوفة أرسم وأحيانًا بحس اني خايفة الرسمة ما تعجبهاش )) قالتلي ماما: ((ماتخافيش يا دودو ولا تتكسفي رسوماتك جميلة لازم يبقى عندك ثقة في نفسك )) قولتلها: ((حاضر يا ماما ))

وعدت الأيام وأنا بردو لسة على حالي في الكورس ماعنديش ثقة في نفسي وخجولة جدًا وبتاعت الكورس ابتدت تتعصب ويقل صبرها معايا واشتكت الميس أكتر من مرة لماما وهنا أمى قررت إنها تعمل حاجة تعزز ثقتى بنفسي.

سر الفرشاة السحرية

كنت راجعة من المدرسة في يوم وكنت زعلانة عشان كورس الرسم حاسة إنى فاشلة فيه ولقيت أمي بتقولي: (( دودو حبيبة ماما جبتلك النهاردة هدية هتشكريني عليها العمر كله )) قولتلها وأنا لسة زعلانة: (( إيه هى الهدية )) قالتلي وهى متحمسة: (( بطلي زعل على الكورس روحي غيري هدومك بسرعة عشان اجيبلك الهدية )).

روحت غيرت ولقيت ماما واقفة في الصالة ومعاها فرشة رسم كبيرة وجميلة جدًا وألوان أكتر من أربعة وعشرين لون أخدتهم بوست أمي من الفرحة وقولتلها: ((شكرًا يا ماما الفرشة جميلة وبتلمع هى بتلمع كده ليه )) قالتلي بصوت واطي:

سر الفرشاة السحرية

(( دي فرشة الحظ جبتهالك مخصوص علشان ترسمي بيها وأي رسمة هترسميها بيها هتعجب كل الناس وأولهم الميس اللي في الكورس )) بصيت للفرشة باندهاش الأطفال وقولتلها (( واااااااو يعنى يا ماما أي حاجة هرسمها هتبقى حلوة بالفرشة دي )) قالتلي: (( آه. كمان الفرشة دي مش هتخليكي تتكسفي ترسمي قدام حد )).

ويوم أخدت الفرشة وأنا رايحة الكورس ولقيتني من تلقاء نفسي برسم وكأنها سحرية بجد والرسمة عجبت الميس جدًا وكل مدرسين الكورس وابتدوا يشوفوا مستوايا وشطارتي لحد ما بقيت شاطرة جدًا في الرسم وكله بفضل الله ثم أمي وفكرة الفرشة.

وعدت الأيام والسنين وكبرت ولسة معايا الفرشة وكنت حريصة على إنها تبقى معايا بقيت أتفائل بيها وكنت بحس فعلاً إنها فرشة الحظ بصحيح وأمي وأبويا يوم ورا يوم وسنة ورا سنة كانوا بيشجعوني وواقفين ورايا ومعايا.

أخدت جوائز كتير بفضلهم بعد فضل الله سبحانه الأول لحد ما جه يوم انكسر فيه قلبي وظهري وسندي في الحياة مات أبويا في أزمة قلبية مفاجئة أدت لوفاته مش عارفة أقولكم حزنت عليه ازاي أنا حالي شلل نصفي وأنا عمرى ١٨ سنة تخيلوا من الزعل على أبويا واعدت سنتين أمي متحصرة عليا وعلى حالي ولا عارفة أروح مدرسة ولا عارفة أرسم ولا عارفة اتحرك ولا عارفة حتى أتكلم مانا كمان كنت فاقدة النطق.

العودة للحياة من جديد

وفى مرة أمي دخلت عليا الأوضة وأنا قاعدة على الكرسي وعيني لسة مليانة دموع قالتلي وهى حزينة: (( وبعدين يا هدى كفايانا حزن يا بنتي أوعي تكوني فاكرة عشان بابا مات يعني مش شايفك روحه حوالينا وبتحس بينا وبيشوفنا تحبي يا دودو بابا يشوفك كده)) انهرت من العياط ولقيت أمي بتديني الفرشة وقالتلي: ((أنا همسك إيدك ومحاولة تكتبي رسالة لبابا يشوفها عشان مش عارف يسمع صوتك اكتبيله يا دودو)).

ولقيت نفسي بحاول أمسك الفرشة بأيدي واكتب وما عرفتش أعدت أمي تحاول معايا أكتر من ساعتين ومافيش نتيجة لحد ما أعدت أعيط من يأسي وساعتها ماما حضنتني وهبطت على حالي وقالتلي ((ادعي ربنا يا هدى بقلبك كده يشفيكي ويشيل عنك إن شاء الله )) وسابتني ودخلت أوضتها بعد ما سابت الفرشة جنبي على المكتب وأعدت أبص للشباك في السما وادعي ربنا إني أشوف بابا وماما كانت الناحية التانية في أوضتها بتعيط وبتدعي ربنا وبتقول: (( يا رب اشفيلي بنتي وخليها تقوم تاني على رجليها يا رب اللهم إني لا أسألك رد القضاء ولكني أسألك اللطف فيه)).

وأنا سامعة صوتها وهى بتدعي من الشباك لحد ما نمت على دعائها وهى بتقول دعاءها الأخير وحلمت ببابا واقف أدامي ووشه حزين وأنا على الكرسي وبقوله: (وحشتني يا بابا أوي) قالي: (وأنتي كمان يا هدى بس زعلان منك أوي) قولتله بلهفة: ( ليه يا بابا) قالى: ( إيه اللي مقعدك هنا )عيطت وقولتله: ( أنا مكسورة من غيرك يا بابا ) قالى: ( لازم تقوليه كل يوم بلسانك لا إله إلا أنت سبحانك إني كنت من الظالمين عشر مرات عارفة الدعاء ده يا هدى ولا لا).

عيطت وقولتله: (عارفاه وأنت اللي كنت محفظهولي يا حبيبي) قالها: (فاكرة قصة سيدنا يونس ده دعاءه اللي نجاه من بطن الحوت الدعاء ده قوي وهيقويكي تقومي) وهنا ابتدى يعلى صوته ويقول: ( قومي يا هدى قومي وامسكي الفرشة مستني رسالتك هشوفها )).

سر الفرشاة السحرية

النجاح والأمل

قومت من نومي الصبح بدري لقيت ايدي ماسكة الفرشة مش عارفة ازاي وهنا حسيت اني ممكن اكتب حاولت أفتح ايدي اليمين واقفلها وأنا بقول في سري لا إله إلا أنت سبحانك إني كنت من الظالمين واعدت أكررها كتير وفي وداني صوت بابا لحد ما نجحت إني احرك ايدى اليمين وحاولت أحرك ايدي الشمال نجحت وهبطت من الفرحة وهنا قررت اعد على الكرسي المتحرك بتاعي ورحت بالفرشة ورسمت بابا زي ما شوفته في الحلم.

خلصت لقيت أمي كانت لسة صاحية وداخلة الأوضة عشان تصحيني لقت الرسمة عيطت وحضنتنى وقالتلى هدى أنتى جيتي هنا ازاي أنتي هنا ازاي رسمتي هزيت رأسي وكأني بقولها صدقي أنا بحرك أيدي حضنتني واعدت تعيط.

وأمى ودتني مركز علاج طبيعي عشان يساعدوني أتحرك وامشي وكنت كل يوم اعد أرسم وابعت رسايل لبابا وادعيله بالرحمة والحمد لله بعد مرور ست شهور كنت بتعالج في مركز العلاج الطبيعي وكنت برسم بفرشة الحظ اللي فعلاً كانت وش السعد عليا من يوم ما مسكتها وأنا مشلولة وأنا ايدى اتحركت واخدت بيها أربع جوائز في مسابقات الرسم على المستوى المحلي ومنهم صورة أبويا اخدت بيها جائزة أحسن رسمة على مستوى مصر.

نصيحتي لكل شخص مهما فقدت عزيز على قلبك أو اتكسرت قوم وخليك أحسن من الأول، ونصيحتي لكل أب وأم شجعوا أولادكم دائمًا على هواياتهم وخليها الحاجة إلى تقويهم وتشجعهم على أنهم يكونوا أحسن الناس.

للمزيد:

أمي بتكرهني وأخدت حقي من ورث أبويا والسبب..

حلمت حلم غير حياتى ١٨٠ درجة

أمي أنت بردانة وروحي تتقطع عليك من الألم والحزن

رابط مختصر للصفحة
https://alumniyat.net/4699321

أحصل على موقع ومدونة وردبريس

أكتب رايك في المقال وشاركه واربح النقود

شارك رابط المقال هذا واربح
يجب عليك تسجيل الدخول لرؤية الرابط

11 أغسطس، 2021 3 تعليقات

الامنيات_1 عامية مصرية

تاريخ مصر الفراعنة

نشر بواسطة كريم هيثم 6 يوليو، 2021

written by كريم هيثم

تاريخ مصر الفراعنة .. “حاجات لازم نعرفها كويس اوي عن مصر القديمة ”

تاريخ مصر الفراعنة

١_رمسيس التاني مش فرعون موسي

٢_مفيش حاجه اسمها اطلاقا لعنة فراعنة

٣_مفيش حاجة اسمها اللغة الهيروغليفية .. الهيروغليفية خط مش لغة .. لغتنا تسمي اللغة المصرية القديمة و ليها ٣
خطوط هيروغليفية هيراطيقي ديموطيقي.

٤_مفيش حاجة اسمها عروسه النيل زي ما كان للاسف بتعرض الأفلام دي كدبه الفها المؤرخين و زودوا عليها و كبروها مصر كانت دولة عظيمة و مفيهاش قرابين بشرية.

٥_زواج الاخوة في مصر كان بيتم للحفاظ علي السلالة الملكية و كان في حالات معينه يس يعني مش كل الملوك تزوجت من اخواتها و مكنش موجود في عامة الشعب.

٦_مصر فيها اكتر من١٠٠ هرم ..

٧_الملك تحتمس الثالث دخل ١٧ حمله عسكرية و كسبهم و بني امبراطورية عظمي وصلت من النوبة الي الفرات ..

٨_الملك رمسيس التاني بني امبراطوريه مصر التانية من شمال سوريا للشلال الرابع و كان ملك عظيم و برضوا مش فرعون موسي.

٩_توت عنخ آمون هو ابن اخناتون من سيدة مجهولة معروفة بالسيدة الصغرى و ليس من نفرتيتي.

١٠_الملك رمسيس التاني مات و هو ٩٣ عام و كان عنده خشونة فالركبة و المفاصل و هو مش فرعون موسي.

١١_نفرتيتي ملهاش مقبرة و لا موميا و لحد دلوقتي بندور عليها هي و أمنحوتب المهندس باني هرم زوسر

١٢_اسمهم مصريين قدماء مش فراعنة .. لان مصر و ملوكها العظماء لن يرتبطوا ابدا بملك ذُكر بالطغيان و الظلم ..

١٣_المصريين تعرضوا لاول غزو حقيقي علي يد الهكسوس و اتصدموا بالعجلات الحربية و الاحصنة و مسكتوش لا بدأوا يعملوا عجلات حربية هما احدث و افضل بكتير و هزموا الهكسوس و طردوهم خارج البلاد

١٤_مصر حكمها سيدات كتير و اطولهم حكما كانت حتشبسوت لمده ٢٠ عام في الحكم

١٥_مصر كانت بلد تعرف الاخلاق تفصل بين الرجال و السيدات و اكثر بلد حافظت علي حقوق المرأة بشهادة العالم اجمع..

١٦_اللي بنوا الهرم المصريين القدماء اجدادنا و الأدلة كتير برديات و نقوش و مقابر للعمال للمصريين اللي اشتغلوا في بناء الهرم بجانب الهرم و طريقة نقل احجاره محفوظه في برديات تدعي برديات وادي الجرف.

و أخيرا المصريين القدماء هم اجدادك و جيناتك الاصلية و اصل كل فخرك..

نهاية حب

نشر بواسطة منجي جديدي 24 أبريل، 2021

written by منجي جديدي

نهاية حب .. كان يسير بخطى مثقلة و ذهنه خال من أي شيء سوى من ضرورة العودة سريعا إلى المنزل للتمتع بقيلولة يغالب بها تحالف الحر و الرطوبة ، خاصة و أنه لم ينم بالقدر الكافي ليلته السابقة.
حتى اقتحم سمعه صوت طرق كعب أنثوي بنسق سريع على الأرضية الرخامية .

نهاية حب

الذهن المتعب يقول أن صاحبتنا لا ريب في عجلة من أمرها. و لا بد أن تفسح لها الطريق أو أن تسرع و هو خيار لا أضنك تطرحه الآن حتى كمجرد افتراض بالفذلكة.
لم يتغير شيء في خطواته المثقلة سوى أنها أصبحت جذابا متأنيا نحو اليمين ، حتى يتسنى لصاحبتنا المجاوزة على خط متقطع تماما.
و في غضون ثوان تجاوزته بنسق سيرها الأول و لما صارت على بعد خمسة أو ستة أقدام توقفت تماما لبرهة و حامت حول نفسها و عادت أدراجها.

فصارت قبالته تماما و دخلت مجاله البصري فدقق النظر بعض الشيء: شابة ذات قامة قصيرة حتى مع وجود الكعب العالي. بيضاء الوجه مشرقته مع تورد في الخدين. على الأرجح هي شامية : هكذا حدثه حدسه.

أصلها و فصلها ، قامتها و ملامحها لم تكن تعني له شيئا أمام ما انتابه من فضول عن سبب توقفها المفاجئ و عودتها “على غبار الثنية” !

لأنه ممن يشهد لهم بحضور البديهة في ما لا ينفع و لأنه ينحدر من السلالة التونسية فلم يعوزه التعليق و لم تغب عنه الإجابة التي تريح عقله من البحث عن تفسير لما رآه .

و قبل أن تتجاوزه في طريق عودتها و قبل أن تنهي الأعين لقائها ؛ مر الشريط في عقله بسرعة لا قبل للواقع بمحاكاتها؛ فتاة تسرع الخطى في اتجاه كأن فيه خلاصها ، ثم تدور حول نفسها و تسلك الاتجاه المعاكس بذات السرعة .
قال لها دونما أدنى تحكم في لسانه ، كأنما عفريت يسكنه نطق بلسانه: “شنهي ، ندمتي؟ “.
كلمتان بلا معنى و لا هدف كان يمكن أن تتسببا في فضيحة “بڨلاڨل” . لكن لطف الله سابق سخطه.

توقفت و قد بدت له لوهلة كلبؤة تتحفز لتفتك به ، لكنها ضحكت و أجابت جوابا مقتضبا في حدود فهمها للسؤال : ” ما ندمت بس …”. كأنها كانت تنتظر أن يأتي من يستمع إلى كم ما كانت تريد قوله يومها.

كثر حديثهما واقعا و افتراضا.

و ها هو بعد كل حديث مطول بينهما يتساءل: هذه البداية تشبه بدايات كل القصص السابقة ؛ أحاديث طويلة ، رسائل ، ورود و قلوب ملونة …

تشابهت البدايات فهل تتشابه النهايات ؟

هل تنتهي هذه القصة كما انتهت سابقاتها ، هل ينتهي السيناريو بمشهدين متقابلين كالعادة : في الجهة الأولى ؛ فستان أبيض و مشهد فتاة و هي تمثل دور السعيدة المسرورة في الصور المنشورة على قصتها في الفيسبوك لتقول للعالم كل العالم :” ها قد قتلت وحش العنوسة و ليذهب الحب إلى ما بعد الجحيم و ليحمل معه العبارات الجميلة و الاحاديث الطويلة و الورود و القلوب الملونة”!
و في الجهة الأخرى فتى ، انفطر قلبه من مشاهدة صور عرسها فتراه مكبا على وجهه فوق السرير ، يضع فوق رأسه مخدة أو غطاء متينا. و غير بعيد عنه هاتفه يطلق لحنا حزينا و كلمات بوزن جبال من الهزيمة: ” أعذريني في يوم زفافك ، ما قدرتش أفرح زيهم ، ما خطرشي أبدا يوم في بالي إني أبقى واحد منهم” .

اقرأ أيضًا

قرينة البراءة

كيفية تربية طفل واعي

رابط مختصر للصفحة
https://alumniyat.net/4643149

أحصل على موقع ومدونة وردبريس

أكتب رايك في المقال وشاركه واربح النقود

شارك رابط المقال هذا واربح
يجب عليك تسجيل الدخول لرؤية الرابط

24 أبريل، 2021 1 comment