عامية

طريقه للتخسيس وبدون حرمان ..  أنا رجاء عندى ٢٧ اللى أنتوا سايفنها دى رجاء تانية خالص غير رجاء اللى كانت من ١٠ سنين هحكيلكم ازاى خسيت وبجد النهارده جايبلكم حل حقيقي وجميل جدا لكل واحدة نفسها تخس  أنا جربته من عشر سنين  وقدرت اخس اكتر من ٢٥ كيلو في ثلاث شهور  ولسة مكملة بنفس الطريقة عشان اثبت وزنى ومارجعش إلى كنت فيه.

قصتي مع الأكل

من وأنا صغيرة كنت بحب الأكل جدا وماما زي بقيت الأمهات العادية اللى كانت تفرح بأنى باكل لدرجة أن في مرة بابا قالها ((إسعاد مش ملاحظة أن البت بتاكل كتير زيادة عن اللزوم)) امى ساعتها اتضايقت منه وقالتله ((يا شيخ قول الله اكبر ولا ما شاء الله كده تحسد البت))قالها بهدوء (( يا إسعاد الموضوع مش في انى مبسوط انى شايفها بتاكل بالعكس أنا خايف بجيبها سمنة وهى في السن الصغير ده دى ست سنين يعنى طفلة هتصعب عليكى الأمور في مسألة الأكل دى خليها تخف أكلها أحسن من دلوقتي عشان ماتعانيش لما تكبر)) امى أخدت وقتها الكلام باستهتار وقالته (( يا سيدي دى لسة صغير خليها تتأسس وتكبر كده وتقلبظ )) بابا ساعتها سكت لأنه حس أنها مش مقتنعة بالكلام.

تناول الطعام وزيادة الوزن يوما بعد الآخر .. طريقه للتخسيس وبدون حرمان

وعدت الايام وفعلاً كل يوم كنت فيه بتخن اكتر من الأول وابتذت امى فعلاً تعانى معايا لان الاول امى لأنها كانت ممكن تقف تعمل محشي بالليل أو مكرونة بشاميل أو اى حاجة من الحاجات الجامدة دى.

ده غير أنى كنت بأكل حقيقي في اى وقت ويا ريت على كده وبس ده أنا كنت وصلت لدرجة انى كنت بفطر مرتين واتغدى مرتين وأتعشى مرتين والفطار والغدا والعشا كانوا اى حاجة كنت بلاقيها في وشي  في التلاجة ده غير أنى كان ممكن أقوم من النوم عشان عايزة أكل.

تأثير الإهمال وكثرة تناول الطعام فوق الحاجة اللازمة للجسم

وده طبعاً كان بيهلك امى جدا ومع الوقت بقيت يعانى من أمراض كتيره ليها علاقة بالأكل زى دون على الكبد وتضخم الطحال ودهون على الكلى كمان والقلب ده غير أن بسبب وزنى جالى تمزق في ركبتى وعظمة شوكية وكمان كان عندى مشاكل في التنفس ماكنتش اقدر أنام عادى على ضهري كنت دائما عشان نفسي كنت ببقى شبه قاعدة على السرير من علو المخدات تخيلوا ورغم كده كنت بأكل بردو وفي مرة كنت ماشية في الشارع ولقيت واحدة بتبص عليا من بعيد وبتضحك على تخنى عملت نفسي مش شايفاها وأول ما عديت من جنبها لقيتها بتقول ((حاسبي تعبان )) وأنا اتخضيت من صوتها وطريقتها وهى بتعمل المقلب وكان في تعبان بجد خضتني حقيقي فاتكعبلت ورجلي اتكسرت وللأسف معرفتش أقوم وهى فضلت واقفة تضحك عليا وبتقول (( أما حتة واقعة تتعمل كتاب بعنوان كيف تتدحرج الدببة ))أعدت اعيط من كلامها كلامها واجعنى اكتر من كسر رجلى حاولت أقوم لقيت نفسي صوت بعياط والناس اتلمت عليا وحاولوا يقومونى وللأسف ماقدروش بسبب حجمي وساعتها صعبت عليا نفسي أوى وانهارت بالعياط بزيادة وأنا شايفة في عيون الناس اللى بيضحك في سره واللى تعبانة عليه نظرات كلها ضايقتني ما بين الشفقة والإحسان والضحك وأخيرا جابولى الإسعاف وقدرت أروح المستشفى

ذهابي للعلاج والخضوع لبعض عمليات الشفط

الدكتور ساعتها سألني ((سنك كام سنة يا رجاء )) قولتله ((١٧سنة يا دكتور)) بصلي وهو مندهش وقال ((أنا كنت فاكرك اكبر من كده ،المهم أنا هجبسلك رجلك دلوقتي بس خلى بالك لازم تجيلي كمان أسبوعين عشان نشوف لو في اى مضاعفات لأن توقعي أن بسبب وزنك ممكن يحصل عدة كسور في نفس المكان فادعى ربنا أن ما يحصلش ده عشان مانضطرش نركبلك مسامير وشرايح وده طبعاً هيبقى بعملية))روحت البيت وطبعاً ماما وبابا كانوا هيموتوا من القلق عليا لانى اتاخرت عليهم جدا والواقعة دى كمان كسرتلى التليفون وما عرفتش اكلم حد فيهم وطبعاً اتصدموا أول ما شافوا رجلى وانى جيالهم ساندة على عكاز ولقيتهم جريوا عليا أول ما دخلت وبابا قالى بخضة (( في إيه إيه اللى حصل))  وامى كمان قالتلى وهى مخضوضة (( ريحي قلوبنا يا بنتى إيه إلى جرا قولى )) أعدت على الكرسي اللى جنب الباب واعدت اعيط وماما تهديني وبتطبطب عليا وبابا جابلي لمون وبعد شوية بطلت عياط وعرفت احكيلهم اللى حصلي بابا ساعتها اتضايق جدا وقال (( مين البنت دى تعرفيها أنا هروح اقول لابوها عشان يربيها يعنى هى البنى ادمة دى عشان تنبسط تتسبب في كسر رجلك طب إيه رأيك هخليها تعتذرلك ولازم تتحمل هى وأبوها مصاريف علاجك لأنها هى اللى اتسببتلك في التعب ده)) وكان رايح ناحية الباب مسكت أيده وقولتله ((ماتروحش لحد يا بابا منها لله )) وطلبت منهم انى أدخل اوضتى

وللأسف عشان الأكل كل حياتى فلقيت نفسي يزيد في الاكل وبابا وماما ما بقوش عارفين يعملوا ايه معايا ويوم ماكنت هروح افك الجبس الدكتور قالنا للأسف فى مضاعفات بسبب الوزن احنا محتاجين نخس على الأقل ١٠ كيلو عشان الدهون دى هتضغط على الشرايح اللى هنركبها وده هيسبب أوجاع كبيرة مش هتتحملها فلازم تخس

ولما روحت قررت انى اخس أعدت أشوف أنواع رجيم كتيرة أوى وحاولت أجرب اعملهم لكن فشلت فيهم كلهم زي رجيم الماية ورجيم البيض ورجيم الموز وكلهم كنت أعد يومين جعانة آه بس كنت ببقى دايخة على طول وكنت بنام وساعات كان بيغمى عليا كمان من قلة الأكل وما لقيتش حل غير أنى أعنى عملية شفط دهون عملتها فعلاً وخسيت كتير حوالى ٣٠ كيلو في العملية وبالرغم من انى كنت لسة تخينة الا انى كنت أخف وعملت العملية وكبرت دماغي تانى وابتديت أحس بوجع الشرايح زي ما الدكتور قالى وكل ما أتابع مع دكتور ما أعرفش أكمل لحد ما في مرة بتفرج على قناة على اليوتيوب ولقيت حد بيتكلم على حساب السعرات انى أنزل برنامج لما بيعرف طول الشخص ووزنه ونسبة حركته او الأنشطة الرياضية بتاعتك بيبتدى يعرفك انك ممكن تاكلى اى حاجة بس بعد سعرات معين ما يتعداش العدد المذكور في البرنامج وفعلاً واحدة واحدة كنت باكل مكرونة بشاميل ومحشي شوكولاتة وكل اللى نفسي فيه بس على شرط انى ما اعديش العدد اللى المفروض اخده في اليوم وفضلت على كده شهر لحد ما جسمي الحمد لله كان بيخس جدا وبسرعة غريبة أنا فاكرة ساعتها كان وزنى وأنا ١٧ سنة كنت ٩٧ كيلو وانا طولي ١٥٤ يعنى زايده حوالى ٤٣ كيلو ولما حسبت السعرات اللى المفروض كنت اخدها لنفسي وواضبت على كده طول الشهر خسيت ١٢ كيلو في شهر ومن غير رجيم

البرنامج الغذائي هو الحل الحقيقي الأمثل .. طريقه للتخسيس وبدون حرمان

ففضلت مكملة وبقيت اعدل كل شهر على البرنامج الوزن اكتب الوزن الجديد بدل القديم وكل مرة السعرات تقل ويقل وزنى معاها أكد ما خدت على انى ما اكلش كتير وقررت انى اعمل رياضة خفيفة عشان المسامير طبعا والشرائح اللى ركبتها وبقيت اعود نفسي انى ما اكلش بالليل وانىلو جعت أكل علبة زبادي خالية الدسم أو اى فاكهه زي البرتقال أو التفاح أو الموز أو ممكن خيار أو خس أو جزر

أنا كنت قبل ما اخس زي ما قولتلكم كنت ما بعرفش أنام ولا أعمل اى حاجة بعد ما خسيت بقيت أعرف أنام على ظهرى وكل مشاكلي اتحلت مابقيتش أعانى من المشاكل الصحية اللى كانت عندى ورغم أن رجلى فيها مسامير الا انى من ساعت ما خسيت لحد دلوقتي بقدر أمشي كتير جدا ومابتعبش

نصحت لكل واحدة عايزة تخس ومش عارفه تخس نزلى برنامج حساب السعرات الحرارية في اليوم والتزمى الأول بالسعرات اللى بتاكليها اد إيه في اليوم ولما تاخدى على الاكل بكميات قليلة اعملى رجيم يكون بأكل صحى والعبي رياضه أن شاء الله حتى لو هتتمشي ساعتين في اليوم صدقينى حتى لو مش في مقدرتك انك تروحى لدكتور هتقدرى تخسي من البيت بردو.

اقرأ أيضًا

فاتني قطر الجواز ولما اتجوزت اتجوزت واحد أصغر مني بخمس سنين والسبب..

رواية قصة حب مجوسية تلخيص في غاية الإبداع والدقة

سر المعجزة اللى فى حياتى

هل تعلم ماهي قصة قدم “اللوتس “

سر في حياتى .. قعدت على الكرسي الهزاز وكنت مغمض عيني ورغم كده الدموع كانت مليا وشي بحاول انى ما اعيطش وأنى أمسك دموعي زي ما اتعودت وزى ما اتقالى من وأنا صغير الراجل مايعيطش العياط ده للحريم وأنت راجل من ظهر راجل  فتحت عيني وأنا بحاول أمسك دموعي وجبت مذكراتى واعدت أقلب في الصفحات لحد ما جبت بداية المذكرات وقراتها من الأول وكان مكتوب في البداية المذكرات..

سر في حياتى قلبلي حياتى رأسا علي عقب

السلام عليكم أنا اسمى ياسين عندى 13 سنة مش عارف ليه ابتديت اكتب مذكراتى دلوقتي يمكن ابتديت أحس أن ماحدش حاسس بيا أنا ولد وحيد على خمس بنات ودى معاناتي مع والدى لأنه ويعاملني وحش اوي سيضربني على أصغر سبب مع أنه مش بيعمل كده مع اخواتى البنات.

يعنى في مرة وأنا أصغر من كده كان عندى 9 سنين ولا 10 عيطت عشان لعبة كنت عايزها من اختى اللى أكبر منى لقيت بابا ضربني بالألم على وشي وقتلى وهو مبرق عينيه وبغضب (( انت راجل ما فيش راجل يعيط سامع ))وضربني تانى كمل كلامه وقال (( ولا في راجل يعد يلعب ويشبط فى لعب البنات سامع،، انت راجل )) وكمل ضرب فيا بوحشية لدرجة أن عينى ورمت من كتر الضرب وامى كانت عمالة تقوله (( حرام عليك يا ابو ياسين الواد الحيلة هيموت في ايدك )) بصيلها وزعقلها وقال (( أيوة طبعاً مانتى عايزاه يطلع خايب ويبقى عندك ست بنات يا اختى )) مافهمتش وقتها يقصد إيه بكلامه بس كل يوم بيعدى عليا وأنا بحس اني لوحدي لأن كمان أبويا محرم عليا انى ألعب مع اخواتى البنات وده طبعاً خلاني بعيد عنهم جدا وبابا كان مأيد بعدنا عن بعض جدا وكانت عشان ولد أبقى اتعامل على انى غريب .

رفعت عينى من المذكرات ومسحت دموعي ولقيت نفسي بقول ((الله يرحمك يا بابا ويغفرلك جهلك )) ولقيت نفسي مش عارف أكمل في ذكريات طفولتي فقعدت أقلب في الصفحات لحد ما جبت اليوم اللى اتعرفت فيه على نيرة حبيبتي بصيت بابتسامة مليانة وجع وحزن على صفحة اللقاء الأول بينا وقريت بعيني

النهارده مش عارف ليه حاسس بإحساس غريب أوى نحية البت أم لسان طويل عنيها شدتنى وجدعنتها عجبتنى بس عليها لسان بنت اللذين بس ما اقدرش أنكر أنى أنا الغلطان حبيت اعمل صايع فخبطتها وعملت نفسي مش شايف بس بنت الايه ماعملتش حساب أننا جيران ونزلت فيها شتيمة

بصيت برا المذكرات ولقيت نفسي برد على نفسي في المذكرات وبقول بضحك حزين ((يعنى انت اللي عملت حساب للجيرة دى لسة جارتكم من أسبوع بس وكنت عايز تضمها لقائمة الإنتظار بتاعت البنات يا جاحد ))

وقلبت الصفحات على صفحة يوم ما صارحتها وقريت بعيني

بقالى سنة ببص عليها من الشباك وهى بتنشر الغسيل اعمل إيه مش عارف اكلمها ولا بيفتحوا شباكهم إلا عشان تنشر الغسيل بس وبفضل قاعد طول اليوم مستني تفتح الشباك عشان أشوفها أو اشاور لها وتحس بيا وهى ولا بتبص حتى وبتخلص بسرعة وبتقفل أنا بقى زهقت وقررت أنى أكلم بابا واتقدملها

روحت لبابا وقولتله ((بابا ممكن اكلم حضرتك ضرورى )) بصلي باستهزاء وقالى (( ما تقول عايز إيه تلاقيك عايز فلوس  عشان كده بتقول حاجة مهمة وأنت عارف رائي كويس ما فيش فلوس ريح دماغك منى)) قولتله (( لا يا بابا مش فلوس أنا عايز أخطب)) بصلي ووشه اتحول لغضب (( تخطب ،ازاى يعنى ومين العبيطة اللى هتقبل بيك يا خويا ولا فاكرني هصرف عليك وعليها )) زعلت جدا من كلامه وقولتله (( يا بابا أنا من أولى ثانوى وانت بتخلينى شايل هم نفسي في هدوم ومصاريف مدرسة وجامعة وكل حاجه حتى يا بابا انك مخلينى بديلك جزء من الإيجار والكهربا ومصروف البيت كمان ودايما محسسنى كأنى مأجر مكانى في وسطكم ورغم كده مااعترضتش على حاجة بس أنا عايزك جنبي يا بابا عشان نروح نخطب نيرة جارتنا واوعدك أنى مش هحملك اى مصاريف)) لقيته بصلي بعد ما اطمن أنه مش هيدفع حاجة وقالى (( وانت بقى هتعرف تصرف على اللى جاي شبكة ومهر وعفش وشقة معاك انت فلوس لده كله )) قولتله (( هتتدبر يا بابا أن شاء الله )) قالى بحزم (( أنا ما ليش دعوه بالموضوع ده من أوله لآخره ولا تقولى سلفني فلوس شبكة ولا شقة )) بصيلته بحزن وقولتله ((عارف يا بابا )) وكلم بابا حمايا وطلب منه ايد نيرة ليا والراجل طلب الأول مهلة وبعدين يرد علينا.

قلبت صفحات المذكرات لحد ما وصلت ليوم ما عرفت أن نيرة حامل وكملت قراءة

النهارده اسعد يوم في حياتى فعلاً كنت فاكر أن يوم جوازى أنا ونيرة أسعد يوم بس ما تخيلتش أن النهارده افرح فيه اكتر من يوم جوازى إحساسي لأول مرة انى هكون اب إحساس حلو أوى أشبه بالحماس وانى نفسي اتشقلب واصوت واتنطط بس في نفس الوقت خايف انى ما اكنش الاب اللى يتساهله أبنى

ولقيت أن دى اخر حاجه كتبتها استغربت نفسي إيه اللى غيرنى كده ورجعت بالذاكرة للوقت ده وقت ما عرفت أنها حامل حصلتلى حالة خوف غريبة جدا ما شوفتهاش على حد بقيت عمال اقرأ كتب عن الحمل وايه الحاجات اللي ممكن تأدي لتشوه الجنين أو وفاته أو اى حاجة وكنت دائما بعد ازعق في نيرة لو قامت تعمل حاجة واعد اتهمها أنها مش خايفه على ابننا وهى كانت بتحاول أنها تعدى المشاكل بس للاسف عشان هى كانت بتقدر انى خايف على ابننا فده عودني انى اعد ازعق على الفاضية والمليانة والأول كنت بزعق عشان خايف عليها  وصلت انى بقيت ما اقدرهاش ولا أقدر أنها بتتعب مع ابننا وبتسهر بيه طول الليل وبتشوف شغل البيت طول النهار من طبيخ لمسيح لغسيل وكوى وبصراحة ما بتقصرش ولما كانت بتقصر فى غسيل أو أمى أو اى حاجة كنت بعد ازعق واتنرفز وكانت بتحاول تلم الموضوع وكانت تيجي تتكلم معايا وكل خناقه بتمادى فى الخناقة اللى قبلها

وفى يوم جيت بدرى من الشغل .. سر في حياتى

ولقيتها لسة ما خلصتش الأكل أعدت ازعق واتنرفز وقولت (( الأكل ما خلصش ليه ، ما طبعاً مقضياها نوم وطظ في الراجل اللي جاي من برا ده هيموت من الجوع مش لازم يأكل)) وأنا بقول كده كان أبنى( على) جاي عشان يحضنى لكن أنا زقيته بعصبيتى واتخبط على دماغه وقتها الولد قام ودخل جوا اوضته وهو شبه دايخ طبعاً نيرة اتضايقت جدا وقررت انها تبطل تسكت تانى وقالتلى (( ياسين أن اللى جاي بدرى من شغلك وارحمنى بقى بخناقاتك دى أنا تعبت انت حصلك إيه انت كنت بتخاف عليا وعلى ابننا من الهوا دلوقتي انتى اللى خبطته كده وعشان إيه عملك ايه الطفل ده هو ذنبه أنك مقرر أنك تيجي بدرى عشان تتخانق أنا تعبت يا ياسين )) واعدت تعيط روحت رايح عليها بجنون واعدت أضرب فيها وقولتلها (( أنتى بتعيطي طب أنا بقى هخليكى تعيطي بجد)) ومش عارف انا فقدت أعصابي ازاى لدرجة أنها كانت بتنزف من مناخيرها وبوقها ولقيتنى ببصلها وأنا مندهش هو إيه اللى حصل لكل ده وهى بتبص ليا وقالتلى(( أمشي يا ياسين الله لا يسامحك على بهدلتك لبنات الناس الله لا يسامحك)) مشيت كتير وبعد ساعتين روحت البيت وكنت ناوى اصالحها بس مالقيتهاش لا هى ولا أبنى حاولت اتصل عليها لقيت تليفونها مقفول ولقيت نفسي بقول لنفسي ((بتسيب البيت وبتمشي من نفسها هو مش أنا راجل طب أنا بقى ولا هتكلم ولا هجيبها وهى اللى لازم تيجي لوحدها زي ما مشيت لوحدها ولا هى فاكراني ضعيف وهعد اعيط عشان مشيت لا يا حبيبتي ده أنا الراجل يعنى لا اتحايل على ست تبقى معايا ولا أروح أعتذر لست واشمعنا يعنى المرة دى اللى قررت تغضب فيها هى دى أول خناقه يعنى خليها بكرة ترجع زى الكلبة))

وعدى أسبوع واستغربت أنها ما اتصلتش خالص وقررت أن. أكلم أبوها واشتكيله منها واتفاجئت أنه قالى البقاء لله اتفزعت وحاولت أفهم منه إيه اللي حصل وفهمت منه أن الخبطة اللى اتخبطها ابنى (على) عملت للولد نزيف داخلي فامبانش دم من برة وأن نيرة قلقت لما شافت الواد مش بيصحى ولما راحت بيه على المستشفى كلمت باباها وتليفونها فصل وهناك الولد مات بعد ١٠ ساعات بيحارب مع الموت وعشان كبريائي كراجل انى سيبتها أسبوع من غير ما اكلمها أدفن أبنى واخدوا عزاه وأنا كنت فاكر أنها بتتدلع عليا وعايزة تكسر كبريائي كراجل

نصحت لكل راجل اوعى تربي اولادك على الجحود ،كلمة انت راجل يعنى انت ظهر مراتك وسندها ولازم تفهم أن الست كائن ضعيف مهما كانت قوية ربنا خلقها ضعيفة فمتستقواش عليها ومش الضرب هو الحل ولا الجحود حل ولا القسوة على عيالنا حل ..

اقرأ أيضًا

احذر من أمانيك( عامية مصرية ).

ضل راجل صراع الطبقات الاجتماعية القادم

برنامج راجل و 2 ستات يناقش موضوع العمل من المنزل